Gedirəm qarşına çıxmaram daha Ardımdan izimi itirər yollar. Bir də gözlərinə baxmaram daha Nəyimə gərəkdi soyuq baxışlar? Gedirəm sevgini gömüb qəlbimə Sənə əlvida da demədim bəlkə . Verdiyin əzabı sancıb köksümə, Ötəcəm yanından ,görmədin bəlkə. Tutacaq yerimi tam başqa biri. Gözlərim kədərdən dolub duracaq. Sənin “Qəməndirin”bir bəstəboy qız, Mənim qismətimsə təklik olacaq. İşdən qayıdanda sən öz evinə Səsinə səs verib qızın qaçacaq. Taleyin oyunu,ya qismətdənmi, Tək oğlum səninlə adaş olacaq… Həsrətin saçıma vaxtsız dən qoydu. Yoxluğum qəlbini bil,yandıracaq . Gəlişim necə ki,səssiz olmuşdu, Gedişim eləcə səssiz olacaq.