Son bir ay ərzində qacaqmalçılıqda ittiham olunan jurnalist Sevinc Vaqifqızının (AbzasMedia) və Kanal 13 internet televiziyasının rəhbəri Əziz Orucovun valideynlərinin (anasının ) pensiya kartlarının dondurulması ilə bağlı sosial şəbəkələrdə paylaşılan məlumatlar ictimaiyyət tərəfindən birmənalı qarşılanmayıb. Məsələ ilə bağlı qurumdan AzTimes.az -ın sorğusuna cavab olaraq bildirilib ki, Dövlət Sosial Müdafiə Fondu tərəfindən sözügedən şəxslərin pensiya kartlarına bloklanma və ya məhdudiyyət proseduru tətbiq edilməyib.
Qurum sözçüsü qeyd edilən məsələ ilə bağlı müvafiq banka müraciət olunmasını tövsiyə edib.