AzTimes.az xəbər verir ki, blogger Rəşad Bakinsky İlqar Məmmədovu canlı debata çağırıb.  O bu barədə facebook sosial şəbəkəsindəki şəxsi hesabında məlumat yayıb.

“İlqar Məmmədov Ukraynaya gələndə ona deyin ki, ittihamlarımı əsaslandıra bilərəm, canlı yayım açaraq.İlqara etdiyim ittihamlarla üzləşməyə məcbur etsəniz sizə söz verirəm ya İlqar yox olacaq, ya da ki mən.
Dəstək gözləyirəm.
Özüm açıq yazdım ki, ilk dəfə nəsə istəmişəm, qoy hamı bilsin.

Dahi bir lider olaraq, faktlarla üzləşməyə hazırsan?”

Nəzərinizə çatdıraq ki, bu R.Bakinskinin İlqar Məmmədova  etdiyi ilk debat təklifi deyil. Əvvəlki təklifdən sonra Məmmədov onu dostluğundan çıxarmışdı. İlqar Məmmədovun reaksiyası maraqlı olacaq. Ümumiyyətlə reaksiya olacaqmı, yoxsa yenə susqunlula qarşılanacaq, bunu proseslərin gedişatı göstərəcək.

AzTimes.az