Göyçay rayon Elnur Seyidov adına Ulaşlı-şıxlı kənd orta məktəbinin direktoru Aynur Mahmudova 8 mart Beynəlxalq qadınlar günü münasibəti ilə həmin məktəbdə təhsil alan qızlara kreativ hədiyyə edib. O üzərində Beynəlxalq qadınlar gününü əks etdirən açıqcalamalarla şagirdləri sevindirib. Adətən hər 8 mart günü direktorların məktəblərdə kütləvi pul yığımı ilə bağlı video-görüntülərinin , səs yazılarının yayılmasına öyrəşmiş bir cəmiyyət üçün belə bir addım tədqirəlayiqdir.
Nəzərinizə çatdıraq ki, Aynur Mahmudova Göyçay rayonunda savadı ,pedaqoji təcrübəsi ilə sayılıb seçilən müəllimlər sırasındadır. O, 20 ildən yuxarı rayonun müxtəlif məktəblərində tarix fənninin yüksək səviyyədə tədrisi ilə məşğul olub. Onun şagirdləri ölkənin müxtəlif ali,orta təhsil müəssisələrindən məzundurlar.
Aynur Mahmudova 2022-ci ildən Elnur Seyidov adına Ulaşlı-şixli kənd tam orta məktəbə direktor vəzifəsinə təyin edilib. Ümidvarıq ki, onun addımı bir çox gənc direktorlara örnək olacaq, onlar da trend-ə qoşulacaqlar.

Pərvin Abışova AzTimes.az