Sosial şəbəkələrdə Ağdaş rayon sakini 13 yaşlı qızın özünə qəsdə cəhd edərək tiktok və Instagram hesabında paylaşma xəbərinin yayılması birmənalı qarşılanmayıb. Məlum olub ki, intihara cəhd edən yeniyetmə illərdir sosial şəbəkələrdə mədəni dilənçilik edən Hürü Musayeva adlı Ağdaş sakininin övladıdır. Ötən gün canlı yayım zamanı övladı və anası ilə baş verən insident zamanı azyaşlının anasına özünü öldürəcəyi ilə təhdidlər etməsi diqqəti cəkib.

DİN-in mətbuat xidmətinin Şəki regional qrupundan AzTimes.az-ın sorğusuna cavab olaraq bildirilib ki, Ağdaş şəhər sakini H.Musayeva dünən polisə müraciət edərək yeniyetmə qızının fotoşəkillərinin naməlum şəxs və yaxud şəxslər tərəfindən başqa hesablarda paylaşılması barədə məlumat verib. Hazırda həmin müraciət və səsləndirilən digər iddialar araşdırılır.