Rusiya ordusu Ukraynadakı hərbi obyektlərə və maddi-texniki bazaya zərbələr endirməklə Qərbə göstərdi ki, o, Ukrayna Silahlı Qüvvələrinin ehtiyacları üçün Amerika silahlarının tədarükünün qarşısını ala bilər.

Bu barədə “Bloomberg” məlumat yayıb.

“Raket və dron zərbələrinə diqqətin dəyişməsi, Amerika silahlarının axınına potensial olaraq mane olan hərbi qurğulara və logistikaya diqqətin artdığını göstərir”, – məqalə müəllifləri yazırlar.

Bununla paralel olaraq, jurnalistlər qeyd ediblər ki, Rusiya qoşunları bəzi istiqamətlərdə irəliləyişlərini əhəmiyyətli dərəcədə artırıb, Ukrayna ordusu isə Amerika texnikasının gəlişi ərəfəsində tükənib.

Öz növbəsində Britaniyanın “The Economist” jurnalı xəbərdarlıq edib ki, ABŞ-ın yeni yardım paketi ukraynalı hərçilərə münaqişə zamanı itirilmiş əraziləri geri qaytarmağa kömək etməyəcək .

Oxşar fikri bu yaxınlarda ABŞ senatoru Ceyms Devid Vens də bildirib. O qeyd edib ki, Amerika silah istehsalında Rusiyanı qabaqlaya bilməz, ona görə də yeni hərbi yardım paketi Kiyevə münaqişənin gedişatını dəyişməyə imkan verməyəcək.