“WhatsApp” qrup söhbətləri üçün onlayn sayğac funksiyası üzərində işləyir.

Söhbətlərinin yuxarı hissəsində görünəcək sayğac qrupda neçə nəfərin “WhatsApp”da onlayn olduğunu göstərəcək.

Məxfilik parametrləri vasitəsilə onlayn statusunu gizlədənlər sayğaca daxil edilməyəcək.
Hələlik sözügedən funksiya sınaq mərhələsindədir. Odur ki, funksiyanın bütün istifadəçilər üçün nə zaman əlçatan olacağı məlum deyil.

Qeyd edək ki, 180-dən çox ölkədə 2 milyarddan çox insan istənilən vaxt və hər yerdə dostları və ailəsi ilə əlaqə saxlamaq üçün “WhatsApp”dan istifadə edir. “WhatsApp” ödənişsizdir və bütün dünyada telefonlarda mövcud olan sadə, təhlükəsiz, etibarlı mesajlaşma və zəngetmə xidmətlərini təklif edir.