Duman və zəif görmə səbəbindən Ermənistan paytaxtına bir neçə reys digər hava limanlarına enməli olub.

Bu barədə “Zvartnots” hava limanının mətbuat katibi Lusine Moqrovyan “Sputnik Ermənistan”a bildirib.

Xüsusilə, Tümen (Utair) reysi Minvodıya, Nijni Novqoroddan gələn reys Tbilisiyə eniş edib.

“Ermənistan Hava Yolları” aviaşirkətinin təyyarəsi bir neçə dövrə vurduqdan sonra Gümrüyə enib.

Havanın yaxşılaşmasını gözləyən Şarm əl-Şeyx (Air Cairo), Larnaka (Wizzair), Əbu-Dabi (Wizzair) , Dubay (Fly Dubai) və Şarjadan (Air Arabia) gələn reyslər İrəvan səmasında dövrə vurmağa davam edir.

Daha əvvəl məlumat vermişdik ki, “Flyone” aviaşirkətinin Moskva-İrəvan reysi duman səbəbindən Tbilisiyə enib.