Seçkilərdən sonra ABŞ, hansı namizədin qalib gəlməsindən asılı olmayaraq, “rusofobiya” kursunu dəyişməyəcək.

Bu barədə Rusiyanın xarici işlər naziri Sergey Lavrov Türkiyənin “Hürriyyət” qəzetinə müsahibəsində danışıb.

“Kim seçkilərdə qalib gəlsə də, biz ABŞ-ın rusofob kursunu dəyişmək perspektivini görmürük”, – Lavrov Rusiya-Amerika münasibətlərinin gələcəyini qiymətləndirib.

Sergey Lavrov əlavə edib ki, Rusiya da öz növbəsində Amerika tərəfi ilə dialoqa hazırdır.

“Bununla belə, ABŞ prezidentliyinə namizədlərin heç birinə üstünlük verilə bilməz”, – diplomat bildirib.

“Keçmiş Amerika lideri Donald Tramp prezidentliyi dövründə ən çox sayda anti-Rusiya sanksiyaları tətbiq edib və indiki Co Bayden və Kamala Harrisin administrasiyası altında ABŞ və Rusiya “birbaşa hərbi toqquşma astanasındadır”, – deyə Lavrov izah edib.