“Xocalı soyqırımının ildönümü ilə bağlı bundan öncəki illərdə Prezident İlham Əliyev və birinci Vitse-prezident Mehriban Əliyevanın iştirakı ilə yürüş keçirilib. Sabah da növbəti yürüş keçiriləcək. Xocalı soyqırımının dünya miqyasında tanınması üçün Heydər Əliyev Fondu da böyük işlər görür”.

AZTİMES.az  xəbər verir ki, bunu spiker Sahibə Qafarova Milli Məclisin bugünkü plenar iclasında deyib.

O bildirib ki, Milli Məclis də Xocalı soyqırımının tanıdılması ilə bağlı bəyanatlar və qərarlar verib: “Mən də beynəlxalq görüşlərdə 74 ölkənin parlament rəhbərlərinə məktub göndərərək Xocalı soyqırımının tanınması üçün zəruri tədbirlər görülməsini xahiş etmişəm”.