Rusiyanın dövlət televiziyası “Russia Today” (RT) aparıcının ukraynalı uşaqlarla bağlı dəhşətli sözləri sərt reaksiyaya səbəb olub.

Kanalda “Təzadlı mənalar” verilişini təqdim edən Anton Krasovski ukraynalılara qarşı soyqırıma çağırıb.

Krasovskinin açıqlaması qısa zamanda reaksiyalara səbəb olub. Ukraynanın xarici işlər naziri Dmitri Kuleba RT-yə qlobal qadağa qoymağa səsləyib.

Qəzəbli sözlərdən sonra RT-nin baş redaktoru Marqarita Simonovna Simonyan sükutu pozub.

Simonyan hadisəni “vəhşi və iyrənc” adlandırıb və “Hələlik əməkdaşlığımızı dayandırıram” deyərək aparıcının verilişinin dayandırıldığını açıqlayıb.

“Nə deyəcəyimi bilmədim” deyən baş redaktor əlavə edib ki, sözügedən açıqlama kanalın siyasətini əks etdirmir.

 xarici media