Nasist Almaniyasının lideri olmuş Adolf Hitler 1945-ci ilin iyununda SSRİ-yə qarşı atom bombasından istifadə etməyi planlaşdırıb.

Bu, Rusiya FTX tərəfindən məxfilikdən çıxarılan və ictimaiyyətə açıqlanan arxiv sənədlərində əksini tapıb.

FTX ABŞ-ın Yaponiyanın Xirosima və Naqasaki şəhərlərini atom bombası ilə vurmasının 79-cu ildönümündə Berlin şəhərinin NKVD-nin əməliyyatlar sektorunun rəisi general-mayor Aleksey Sidnevin SSRİ Daxili İşlər Xalq komissarının müavini general-polkovnik İvan Serova xüsusi mesajının və müvafiq ifadə verən Verner Vexterin dindirmə protokolunun nüsxəsini yayımlayıb.

Vexter faşist Almaniyasının yeni silah növlərinin, xüsusən də atom bombasının, V-2 raketinin və Uraldakı sovet hərbi sənaye mərkəzlərini və Şimaldakı sənaye obyektlərini bombalaya bilən uzun mənzilli bombardmançı layihələrin hazırlanmasından danışıb.

“Mənimlə söhbətlərin birində təbliğat nazirliyinin dövlət katibi doktor Nauman tezliklə hər şeyin yaxşılığa doğru dəyişməli olduğunu bildirdi və Hitlerin sözlərinə istinad etdi: “Allah müharibənin son 14 gününü məni bağışlasın…”. Digər məlumatlarla müqayisə edərkən, bu tarixin arxasında 1945-ci ilin iyun ayı üçün nəzərdə tutulmuş gizli silahların istifadəsinə intensiv hazırlığın olduğunu düşünürəm”, – FTX Vexterin sözlərindən sitat gətirib.