Masallı rayon mərkəzi xəstəxanasının doğum şöbəsində körpə ölümü qeydə alınıb. Mərkəzi xəstəxananın baş həkimi Eşqin Əliyevin AzTimes.az-a verdiyi açıqlamada bildirilir ki, hadisə səhər saatlarında baş verib. Doğum şöbəsinin ginekoloqu Təranə Aslanovanın müdaxiləsi ilə doğuşu həyata keçirilərkən uşaq ana bətnində boğulub. Edilən bütün tibbi müdaxilələrə baxmayaraq,körpənin həyatını xilas etmək mümkün olmayıb. Hadisə ilə bağlı Masallı Rayon Prokurorluğunda araşdırma başladılıb.