Fevralın 15-dən ölkədə “buster” doza vaksin olunmayanlar bir sıra məhdudiyyətlərlə qarşılaşıb. Bununla yanaşı 6 ayı tamam olmuş şəxslər 3-cü doza vaksin olunmayıblarsa, onların “peyvənd sertifikatı” etibarsız sayılır.

Aztimes.az xəbər verir ki, ölkə ərazisində müxtəlif sahələr üzrə məhdudiyyətlərlə üzləşmək istəməyən vətəndaşlar 3-cü doza vaksin vurdurmaq məcburiyyətindədir.

Bu günə kimi heç bir vaksin vurdurmayan və koronavirusa yoluxub sağalmış şəxslərin 3-cü doza peyvənd vurdura bilmələri sual doğurur.

Bununla bağlı BAKU.WS Tibbi Ərazi Bölmələrini İdarəetmə Birliyinə (TƏBİB) sorğu göndərib. Qurumdan bildirilib ki, immunitet sertifikatının formalaşmasından 6 ay kəçən vətəndaşlar buster doza vurdurmaqla sertifikatının müddətini uzada bilər.