Könüllərə körpü salan gözlərin
Kaman qaşlarına,gözünə heyran.
Ürəklər kövrəldən,qəlbi oxşayan,
Şirin ləhcəsinə,sözünə heyran.
Həzin, hərarətli xoş nəfəsinə,
Sazın telləritək titrək səsinə
Gözlər qamaşdıran gül çöhrəsinə,
Günəşdən bac alan üzünə heyran.
Qəlbimdən keçəni deyirəm vallah
Bu gün dediklərim deyilər sabah.
Sirrimi açmasam edərəm günah,
Kənan bu çiçəyin özünə heyran.
