İranlı nüvə alimi Möhsün Fəxrizadənin öldürülməsindən sonra bölgədə gərginlik artmaqda davam edir.

Publika.az-ın məlumatına görə, sui-qəsddə günahlandırılan İsrail tərəfi İrana yönəlik açıqlamalar verib.

“Mesajımız aydındır: İranın Suriyada yerləşməsinə qarşı hərəkətə davam edəcəyik və bizə qarşı hər cür hücuma hazırıq”, – deyə İsrailin Baş Qərargah rəisi Aviv Kohavi Suriya sərhədini ziyarət edərkən deyib.

Qeyd edək ki, iranlı nüvə fiziki M.Fəxrizadənin öldürülməsində ABŞ və İsrail günahlandırılır, İran vətəndaşları alimin qisasını tələb edirlər.