“Ukrayna işğalçıların bütün ölkəni elektrik enerjisindən məhrum etmək cəhdlərinə baxmayaraq hara atəş açacağını, haranı azad edəcəyini bilir”.
Bunu Ukrayna Prezidenti Volodimir Zelenski deyib. 
“Biz anlamalıyıq ki, Rusiya öz terror taktikasından əl çəkməyib. Kütləvi raket zərbələrinin olmaması yalnız ondan xəbər verir ki, düşmən yeni zərbələrə hazırlaşır və istənilən an hücum edə bilər. Lakin biz işıqsız da hara atəş açacağımızı və haranı azad edəcəyimizi yaxşı bilirik. Rusiya buna baxmayaraq, Ukraynanı elektrik enerjisindən məhrum etməyə ümid edir. Bu, terrorçuların son ümididir”, – deyə Zelenski qeyd edib.