Tehran Cənubi Qafqazda təhlükəsizlik və sabitliyin möhkəmləndirilməsinə töhfə verməyə hazırdır.

Bunu İran Xarici İşlər Nazirliyinin (XİN) rəsmisi İsmayıl Bəqai bildirib.

Onun sözlərinə görə, Qafqazda təhlükəsizlik, o cümlədən Azərbaycan və Ermənistan da daxil olmaqla, bütün qonşuların təhlükəsizliyi Tehran üçün çox vacibdir:

“Bizim Azərbaycan və Ermənistanla uğurlu münasibətlərimiz var və son günlərdə diplomatik danışıqlar aktivləşib. İran iki ölkə arasında dialoqun inkişafına yardım etməyə hazır olduğunu bəyan edib”.