Stenford Universitetinin amerikalı alimləri havanın çirklənməsinin insanların əhval-ruhiyyəsi arasında əlaqə aşkar ediblər.

Tədqiqat “PLOS One” elmi jurnalında dərc olunub.

Komanda atmosferin çirklənməsinə affektiv həssaslıq fenomenini – yəni havadakı çirkləndirici konsentrasiyaların insanın emosiyalarının dəyişə bilmə dərəcəsini öyrənib.

Müəlliflər statistik modelləri bir ildən çox müddət ərzində ABŞ-da 150 nəfərdən toplanmış təkrar ölçmə məlumatlarına tətbiq ediblər. Tədqiqatçılar oyanma, fizioloji aktivləşmə səviyyəsi və əhvalının valentliyi (müsbət və ya mənfi) kimi insanın affektiv vəziyyətinin komponentlərinə baxıblar.

Tədqiqatçılar müəyyən ediblər ki, hava çirkliliyinin normadan çox olduğu günlərdə affektiv oyanma normadan aşağı olur. Ən əsası, fərdlər arasında affektiv həssaslıq fenomeni məsələsində ciddi fərqlər olub.

Məlum ki, havanın çirklənməsi insanda narahatlıq və depressiya kimi mənfi psixi sağlamlıq təsirlərinin uzunmüddətli qalma riskini artırır.