Sonsuz və daimi yorğunluq kimi simptomlar yaşayanlar həkimə müraciət etməlidirlər.

Bu barədə ABŞ mütəxəssisləri xəbərdarlıq ediblər.

Xroniki yorğunluq sindromu insanın özünü daim yorğun və bədbəxt hiss etməsinə səbəb olan bir xəstəlik olaraq bilinir.

ABŞ Xəstəliklərə Nəzarət və Qarşısının Alınması Mərkəzi xəstəliyin əlamətlərini sıralayıb. Bunlara istirahətlə yaxşılaşmayan şiddətli yorğunluq, 6 aydan çox müntəzəm fəaliyyət göstərmək qabiliyyətinin azalması, fiziki və zehni fəaliyyətdən sonra yorğunluq aiddir.

Elm adamları bu xəstəliyin virus və ya bakteriyalar tərəfindən ötürüldüyünə inanırlar. Onlar uzun müddət “Covid” olan bəzi xəstələrdə bu sindromun əlamətlərinin olduğunu qeyd edirlər.

Mütəxəssislər vurğulayırlar ki, xəstəlikdən qorunmaq üçün insanlar stressdən uzaq durmalı, yuxu rejiminə riayət etməli, idmanla məşğul olmalı və aralıq pəhrizinə riayət etməlidirlər.

Alimlər həmçinin xəstəliyə səbəb olan amilləri də sadalayıblar. Qablaşdırmada əlavələr olan qidaların həddindən artıq istehlakı, maqnit sahələrinə və toksinlərə həddindən artıq məruz qalma, saat 23:00-dan sonra oyaq olmaq, keyfiyyətsiz yuxu, stressi idarə edə bilməmək, idmandan uzaq, oturaq həyat tərzi bunlara daxildir.