NATO Rusiyanın nüvə sahəsində hədələri ilə bağlı Qərbin adekvat reaksiyasına ehtiyac yaradacaq hər hansı hərəkəti görmür.

Bunu NATO-nun baş katibi Yens Stoltenberq “Foreign Policy”nin sualına cavabında deyib.

“Biz indiyədək nüvə qüvvələrinin mövqeyində müvafiq dəyişiklik etməyi tələb edən hər hansı dəyişiklik görməmişik”, – Stoltenberq bildirib.

O, həmçinin vurğulayıb ki, alyans Rusiyanın hərəkətlərini diqqətlə izləyir.

Stoltenberq onu da bildirib ki, NATO Rusiya-Ukrayna müharibəsində Ukraynanı dəstəkləməklə müharibənin iştirakçısına çevrilmir.