Bu gün Çempionlar Liqasında qrup mərhələsinə start verilib.

İlk oyun günündə 4 qrupda ümumilikdə 8 görüş keçirilib.

Azərbaycan millisinin hücumçusu Mahir Emrelinin də çıxış etdiyi “Dinamo” (Zaqreb) Xorvatiyada İngiltərə “Çelsi”sinə qalib gəlib.

PSJ “Yuventus”u, “Mançester Siti” “Sevilya”nı, “Real” “Seltik”i məğlub edib. “Milan” səfərdə “Zaltsburq”la heç-heçəyə razılaşıb.

Qeyd edək ki, ilk turun digər 8 matçı sentyabrın 7-də oynanılacaq.

Çempionlar Liqası

Qrup mərhələsi, 1-ci tur

6 sentyabr

E qrupu
20:45. “Dinamo” (Zaqreb, Xorvatiya) – “Çelsi” (İngiltərə) – 1:0

Qol: Mislav Orşiç, 13

23:00. “Zaltsburq” (Avstriya) – “Milan” (İtaliya) – 1:1

Qollar: Noa Okafor, 28 – Aleksis Salemakers, 40

Xallar: “Dinamo” – 3, “Milan” – 1, “Zaltsburq” – 1, “Çelsi” – 0.

F qrupu
23:00. “Leyptsiq” (Almaniya) – “Şaxtyor” (Donetsk, Ukrayna) – 1:4

Qollar: Məhəmməd Simakan, 57 – Maryan Şved, 16; 58, Mixail Mudrik, 76,  Lassina Traore, 85

23:00. “Seltik” (Şotlandiya) – “Real” (İspaniya) – 0:3

Qollar: Vinisius Junior, 56, Luka Modriç, 60, Eden Azar, 77

Xallar: “Şaxtyor” – 3, “Real” – 3, “Leyptsiq” – 0, “Seltik” – 0.

G qrupu
20:45. “Borussiya” (Dortmund, Almaniya) – “Kopenhagen” (Danimarka) – 3:0

Qollar: Marko Roys, 35,  Rafael Gerreyro, 42, Cud Bellingem, 83

23:00. “Sevilya” (İspaniya) – “Mançester Siti” (İngiltərə) – 0:4

Qollar: Erlinq Haaland, 20; 67, Fil Foden, 58, Ruben Diaş, 90+2

Xallar: “Mançester Siti” – 3, “Borussiya” – 3, “Kopenhagen” – 0, “Sevilya” – 0.

H qrupu
23:00. PSJ (Fransa) – “Yuventus” (İtaliya) – 2:1

Qollar: Kilian Mbappe, 6; 22 – Ueston Makkenni, 53

23:00. “Benfika” (Portuqaliya) – “Makkabi” (Hayfa, İsrail) – 2:0

Qollar: Rafa Silva, 50. Alexandro Qrimaldo, 54

Xallar: “Benfika” – 3, PSJ – 3, “Yuventus” – 0, “Makkabi” – 0.