Rusiya prezidenti Vladimir Putin Sankt-Peterburq Beynəlxalq İqtisadi Forumunda (SPİEF) çıxışa və plenar iclasda müzakirələrdə iştirak etməyə hazırlaşır.

Bu barədə dövlət başçısının mətbuat katibi Dmitri Peskov məlumat verib.

“Prezident Sankt-Peterburq İqtisadi Forumuna hazırlaşır, bilirsiniz ki, onun forumdakı çıxışı, həmçinin prezidentin plenar iclasda müzakirələrdə iştirakı ənənəvi olaraq hazırlanır”, – Peskov jurnalistlərə bildirib.

O, həmçinin əlavə edib ki, Putinin SPİEF çərçivəsində yeni beynəlxalq əlaqələri qurması gözlənilir.

Qeyd edək ki, sözügedən forum iyun ayının 5-dən 8-dək Sankt-Peterburqda keçiriləcək.