Nyu-York Universitetinin alimləri insan beyninin bəzi cümlə strukturlarını cəmi 125 millisaniyədə qavradığını aşkar ediblər. Bu müddət demək olar ki, bir göz qırpma müddəti ilə eynidir.

Araşdırmaya görə, beyin sözləri bir-bir və ardıcıl olaraq şərh etməklə deyil, daha sürətli struktur qavrayış yolu ilə işləyir.

Araşdırmaya rəhbərlik edən professor Lina Pilkkanen bildirib ki, bu sürətli qavrayış beynin qrammatik biliklərinə əsaslanaraq meydana gəlir.

Tədqiqatda 36 iştirakçının beyin fəaliyyəti skan cihazı ilə ölçülüb. İştirakçılara üç sözdən ibarət qısa cümlələr göstərilib və bu cümlələrin bir sözünü dəyişdirərək onların uyğun olub-olmaması soruşulub. Nəticələr göstərib ki, subyekt, fel və obyektdən ibarət cümlələr iştirakçılar tərəfindən daha tez və daha dəqiq qəbul edilir.

Tədqiqatın rəqəmsal media dizaynerləri və reklamçılar kimi bir çox sahələr üçün praktiki faydalar təmin edə biləcəyi qeyd edilir.