Bakının Qaradağ rayonunda yol-nəqliyyatı hadisəsi zamanı bir nəfər ölüb.

APA xəbər verir ki, hadisə Lökbatandan Qobu qəsəbəsinə gedən yolda baş verib.

Belə ki, kuryer xidmətini həyata keçirən motosikletin sürücüsü “Mercedes”ə çırpılıb. Qəza nəticəsində motosiklet sürücüsü hadisə yerində ölüb.
Faktla bağlı Qaradağ Rayon Polis İdarəsində araşdırma aparılır.