Bakıda güclü yanğın başladı, yolda hərəkətə məhdudiyyət qoyuldu
Paytaxtın Nizami rayonu ərazisində yerləşən obyektlərdən birində baş vermiş yanğın hadisəsi səbəbindən Fəhlə küçəsi istiqamətində nəqliyyat vasitələrinin hərəkətinə məhdudiyyət qoyulub.
Bu barədə Daxili İşlər Nazirliyinin Mətbuat Xidməti bildirir.
Qeyd olunur ki, polis əməkdaşları tərəfindən ərazidə təhlükəsizlik tədbirləri görülür.
Bakının Nizami rayonunda yanğın başlayıb.
Babək prospektində yerləşən obyektlərdən biri yanır.
Hadisə ilə bağlı Fövqəladə Hallar Nazirliyinin Mətbuat Xidmətindən cavab olaraq bildirilib ki, nazirliyin “qaynar xətti”nə Bakı şəhəri, Babək prospektində obyektdə yanğın baş verməsi ilə bağlı məlumat daxil olub:
“Dərhal əraziyə Dövlət Yanğından Mühafizə Xidmətinin və Xüsusi Riskli Xilasetmə Xidmətinin qüvvələri cəlb olunublar. Hazırda yanğınla mübarizə tədbirləri davam etdirilir. Əlavə məlumat veriləcək”.
