ABŞ-da universitetdə təhsil almaq istəyənlərin mütləq girməli olduğu SAT (Scholastic Aptitude Test) imtahan suallarının satışı şəbəkəsi çöküb. Dəstənin Azərbaycanda eyni vaxtda 170 ölkədə keçirilən imtahan suallarını oğurlayaraq Türkiyəyə gətirərək 3 min dollara Telegram-da satışa çıxardığı müəyyən edilib. Şübhəlilər sualların hər il oğurlandığını iddia ediblər.
AzTimes.az xəbər verir ki, xəbəri Türkiyənin “Yeni Şadam” xəbər portalı yayıb.
Məlum olub ki, o zaman 170 ölkədə keçirilən beynəlxalq etibarlı SAT (Scholastic Aptitude Test) imtahan sualları satılıb. Ankara Respublika Baş Prokurorluğunun Qaçaqmalçılıq və Mütəşəkkil Cinayətkarlıqla Mübarizə Bürosu tərəfindən aparılan araşdırmaya görə, sualları oğurlayan əcnəbi vətəndaşların onları Azərbaycandan Türkiyəyə gətirib Telegram vasitəsilə satdıqları bildirilib. Mayın 7-də keçirilən əməliyyatda İran və Azərbaycandan olan 6 şübhəli saxlanılıb. Sualların 3 min dollara satıldığı və paylandığı evlərə “karantin” adı verildiyi müəyyən edilib. Evlərdə aparılan axtarışlar zamanı 11 ingilis dili imtahanına giriş sənədi və 18 ingilis dili sual kitabçası götürülüb. Müəyyən edilib ki, sual kitabçalarındakı suallarla imtahandakı suallar tam eynidir.