Bu gün Nazirlər Kabineti yanında operativ qərargahın brifinqində ölkədə karantin rejiminin yumşaldılması ilə bağlı növbəti qərarlar elan edilib. 

Oxu.Az xəbər verir ki, yumşaldılmaların bəziləri 2021-ci ilin mayın 31-dən və  bəziləri isə iyunun 10-dan etibarən qüvvəyə minəcək. 

Mayın 31-dən etibarən:

– Açıq havada maska qadağası ləğv edilir;

– Metro açılır;

– Rayonlara və şəhərlərə avtobusların fəaliyyəti bərpa edilir.

10 iyundan etibarən: 

– Məscidlər açılır;

– İdman zalları açılır;

– Çimərliklər açılır;

– Mall-lar açılır.