Ermənistanın Sünik rayonundan Azərbaycana keçdiyi bildirilən iki azyaşlı artıq Ermənistandadır.

Bu barədə Tex kənd icmasının rəhbəri David Qulunts məlumat verib.

Onun sözlərinə görə, hazırda yeniyetmələr onun yanındadır.

Ermənistan Milli Təhlükəsizlik Xidməti (MTX) də həmin şəxslərin tapıldığını təsdiqləyib.

Qeyd edək ki, Ermənistan MTX Azərbaycanla sərhəd bölgəsində iki nəfər itkin düşdüyü barədə məlumat yaymışdı. Məlumata görə, iyunun 6-da saat 01:20 radələrində Teq icmasının sakinləri Karen Armen Cahangiryan (27.06.2007-ci il təvəllüdlü) və Andrey Armen Qyaqunts (13.01.2008-ci il təvəllüdlü) Azərbaycanla sərhəd ərazidə itkin düşüblər.