Aİ-nin Ermənistana hərbi yardım üçün 10 milyon avro ayırmaq planlarını Transqafqazda dağıdıcı təsirini yaymağa yönəlmiş geosiyasi hesablamalar diktə edir.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinqdə deyib.

“Aİ öz dinc əsasını itirib və sülh yolu ilə nizamlanma potensialına malik deyil. Heç olmasa, nə vaxtsa Aİ sözdə də olsa dinc nizamlanmanın, sülhün tərəfdarı olduğunu deyirdi. İndi isə Avropa İttifaqı militarizasiya və konfrontasiyanın tərəfdarıdır. Onlar Amerika Birləşmiş Ştatlarının və NATO-nun maraqlarını güdürlər, öz vətəndaşlarının deyil”, – Zaxarova deyib.

Qərb kampaniyası, Rusiya Xarici İşlər Nazirliyinin nümayəndəsinin fikrincə, qarşıdurma tətbiq etmək və postsovet məkanını geosiyasi qarşıdurma meydanına çevirmək məqsədi daşıyır. Onun sözlərinə görə, Bakı ilə İrəvan arasında ziddiyyətlərin güclənməsi Rusiya Federasiyasını və digər müstəqil dövlətləri cilovlamaq məqsədinə xidmət edir.

Zaxarova həmçinin bildirib ki, Avropa Sülh Fondu adına baxmayaraq, əslində yalnız hərbi əməliyyatların qızışdırılmasına və münaqişələrə sponsorluq edən “müharibə fondu”dur.