Belçika və Lüksemburqda da “Haribo” marmeladlarında narkotik maddə (çətənə) aşkarlanıb.

“Haribo” şirniyyatlarının istehsalçısı Belçika və Lüksemburqdakı alıcıları müəyyən növ marmeladları yeməməyə və onları şirkətə qaytarmağa çağırıb.

Narkotik maddələrin “Haribo Happy Cola F!ZZ” kiloqramlıq paketlərində necə peyda olduğu hələ də məlum deyil.

Xatırladaq ki, bundan əvvəl Niderlandda bir ailənin bir neçə üzvü 1 kiloqramlıq “Haribo Happy Cola F!ZZ” marmeladlarını yedikdən sonra özlərini pis hiss etdikləri üçün həkimə müraciət ediblər. Onlarda əsasən başgicəllənmə və halüsünasiya şikayətləri olub. Bundan sonra qidadan nümunələr götürülüb və məhsulda narkotik tərkibli maddə olduğu üzə çıxıb.