Rublun hazırkı möhkəmlənməsi qısamüddətli yerli amillərlə bağlıdır və müvəqqəti xarakter daşıyır. Bu, birinci rübün sonuna qədər davam edə bilər, lakin il ərzində zəifləmə tendensiyası hələ də üstünlük təşkil edəcək.

Bunu analitik Nataliya Pıryeva “Prime” agentliyinə bildirib.

Zəif idxal tələbi və yüksək neft qiymətləri potensial olaraq ticarət profisiti yaradır.

Bundan əlavə, növbəti dividend mövsümü ərəfəsində ixracatçılar dividendlərin bölüşdürülməsi üçün rubl likvidliyinə qarşı valyuta gəlirlərini satırlar ki, bu da rublun möhkəmlənməsinə töhfə verir.

Qlobal tendensiyalar yerli amillərə əlavə olunur. Biz dünya səhnəsində dolların zəiflədiyini görürük. Bu vəziyyətdə “şayiələrə görə al, faktlara görə sat” qaydası işlədi. Lakin inauqurasiya baş tutandan sonra dollar ucuzlaşmağa başlayıb.

“Biz inanırıq ki, fevrala qədər rubl öz gücünü qoruya bilər, lakin ilin sonuna qədər milli valyutanın mülayim zəifləmə tendensiyasını qoruyacağını gözləyirik”, – Pıryeva proqnozlaşdırıb.

Analitik deyib ki, 2025-ci ilin sonuna kimi bir ABŞ dolların 110-115, bir yuanın isə 14,5-15,5 rubl dəyərində olacağını gözləyirik.