Almaniya hökuməti Ukraynaya daha 700-dən çox pilotsuz təyyarə və 20 zirehli maşın təhvil verib.

Bu barədə Federal Nazirlər Kabinetinin saytında bildirilir.

Kiyevə verilən silahlar arasında 600 silahlı “HF-1” pilotsuz uçan aparatı, 50 “VECTOR” kəşfiyyat PUA, “46 RQ-35 Heidrun” kəşfiyyat pilotsuz təyyarəsi və 43 “Songbird” kəşfiyyat PUA-sı var. Bundan əlavə, Ukrayna “Leopard 1” tankları, 19 min 122 mm-lik artilleriya mərmisi, “495 HK 416” avtomatı, 11 min 120 mm-lik minaatan sursatları, həmçinin hərbi qulluqçular üçün yun ədyal, turniket və parça sarğılar alacaq.

Bundan əvvəl Ukrayna Prezidenti Volodimir Zelenski müdafiə naziri Boris Pistorius ilə Ukraynanın müdafiə sənayesinə investisiyaları müzakirə edib. Görüş zamanı Almaniyanın Ukraynaya bütün yardımların 16%-ni verdiyi bildirilib.