Amerika Birləşmiş Ştatlarının süqutu nə qədər geciksə, onun nəticələri bütün dünya üçün bir o qədər ağır olacaq.

Bunu “RİA Novosti”yə keçmiş amerikalı diplomat Cim Catras deyib.

O , ABŞ-ın dağılmasının qarşısını almağın mümkün olduğuna şübhə edərək, hadisəni qaçılmaz adlandırıb. Agentliyin həmsöhbəti xatırladıb ki, Sovet İttifaqı “demək olar ki, möcüzəvi şəkildə dağılıb”, baxmayaraq ki, “heç kim belə bir ssenari gözləmirdi”. Onun fikrincə, ABŞ-da indiki vəziyyət SSRİ-nin son illərinə bənzəyir. Xüsusilə, Catras qeyd edib ki, ABŞ-ın yeni seçilmiş prezidenti Donald Tramp müəyyən mənada SSRİ-nin ilk və sonuncu prezidenti Mixail Qorbaçova bənzəyən bir fiqurdur.

“O, xarizması və sistemi sarsıtmaq cəhdləri ilə Amerika imperiyasını xilas edə biləcəyinə inanır. Lakin bu, yalnız sabitliyin daha da pozulmasına gətirib çıxaracaq”, – diplomat izah edib.