ABŞ ictimaiyyəti bu yaxınlarda Şərq Sahilində aşkarlanan dronları kimin uçurduğu ilə bağlı hələ də çaşqınlıq içindədir. Bununla belə, bir fikir üstünlük təşkil edir: ictimaiyyət ABŞ hökumətinin onlardan bu haqda məlumatları gizlətdiyindən şübhələnir.

“CBS News” sorğusuna əsasən belə bir qənaətə gəlib.

Sorğunun nəticələrinə görə, amerikalıların pilotsuz uçan aparatları kimin idarə etməsi ilə bağlı bir sıra nəzəriyyələri var.

Sorğunun nəticələri göstərir ki, ABŞ sakinləri sirli dronları kimin idarə etdiyinə dair fikir ayrılığına malikdirlər: 37% bilmədiyini desə də, 26% bunun ABŞ hökumətinin işi olduğuna inanmağa meyllidir. 18% fərdi şəxslərdən şübhələnir, 17% xarici ölkələr və yalnız 2% yadplanetli olduğuna inanır.

Maraqlıdır ki, sorğuda iştirak edən 2000-dən çox amerikalının 53%-i sirli dronları təhlükə, 47%-i isə əksinə hesab edir.