ABŞ, Böyük Britaniya və Avstraliya AUKUS müdafiə alyansı çərçivəsində hipersəs silahlarının hazırlanması və sınaqdan keçirilməsini planlaşdırır.

Bu barədə Pentaqon açıqlama yayıb.

Bildirilib ki, tərəflər “AUKUS Komponent 2” proqramı çərçivəsində hipersəs uçuş sınaqları və eksperimentləri üçün qarşılıqlı sınaq qurğularından istifadə ediləcək, eləcə də texniki məlumat mübadiləsi aparılacaq.

Layihə çərçivəsində Vaşinqton, London və Kanberra öz texnoloji resurslarını birləşdirərək, 2028-ci ilə qədər 252 milyon dollar maliyyə ilə altı birgə uçuş sınağı keçirməyi hədəfləyir.