“ABŞ-ın növbəti prezidenti Donald Tramp Ukraynanı Rusiya Federasiyasının tərkibinə daxil olan bəzi ərazilərdən imtina etməyə məcbur edə bilər”.

Bunu NATO-nun Avropadakı Müttəfiq Silahlı Qüvvələrinin keçmiş baş komandanı, ABŞ Hərbi Dəniz Qüvvələrinin istefada olan admiralı Ceyms Stavridis CNN-ə müsahibəsində etiraf edib.

Onun fikrincə, siyasətçi Moskva və Kiyevi danışıqlar masası arxasına oturmağa məcbur edəcək.

“Nəhayət, Rusiya hazırda onun nəzarəti altında olan əraziləri saxlayacaq”, – Stavridis bildirib.

O əlavə edib ki, ərazi güzəştləri Ukraynanın NATO-ya daxil olmasına yol açacaq:

“Bu variantı ən pis nəticə hesab etmirəm. Ukrayna böhranı yəqin ki, beləcə başa çatacaq”.

Stavridis Trampın müdafiə xərclərini artırmaq üçün Aİ ölkələrinə də təzyiq edəcəyinə inanır.

Noyabrın 9-da ABŞ-ın yeni seçilmiş prezidentinin baş müşaviri Brayan Lanza bildirib ki, Ukrayna əraziləri qaytarmaq barədə düşünməkdənsə, Trampın Rusiya ilə “real sülh baxışını” qəbul etməlidir. Onun sözlərinə görə, Volodimir Zelenski danışıqlar masası arxasına əyləşib sülhün yalnız Krımın Kiyevə qaytarılması ilə mümkün olduğunu desə, o zaman ciddi danışmağa hazır olmadığını göstərəcək.

Daha sonra Trampın keçid komandasının adı açıqlanmayan nümayəndəsi vurğulayın ki, Lanzanın Ukrayna məsələlərinə dair sözləri seçilmiş prezidentin mövqeyini əks etdirmir.