Şimali Avropada NATO-nun “Steadfast Noon” nüvə təlimi başlayır.

Bu barədə alyansın mətbuat xidməti məlumat yayıb.

“Dözümlü Günorta Təliminə səkkiz hava bazasından 2000 hərbçi və müxtəlif tipli təyyarələr, o cümlədən nüvə başlıqlı təyyarələr, bombardmançılar, qırıcı müşayiətçilər, tankerlər, kəşfiyyat və elektron müharibə apara bilən təyyarələr cəlb olunub”, – deyə məlumatda bildirilir.

Təlimlərə alyansa üzv olan 13 ölkənin hərbçiləri və 60-a qədər hərbi təyyarə cəlb olunacaq. Tədbirlər əsasən Böyük Britaniya, Belçika və Niderlandda, eləcə də Şimal dənizində baş tutacaq. Manevrlər iki həftə davam edəcək.

“Stadfast Noon” məşqi on ildən artıqdır ki, davam edir. Onlar həm nüvə, həm də qeyri-nüvə NATO ölkələrindən onlarla təyyarəni cəlb edir və taktiki nüvə zərbələrini simulyasiya edir. Üstəlik, manevrlər real nüvə başlıqlarının istifadəsini nəzərdə tutmur.