Alimlər deyirlər ki, dünyanın ən qədim və ən böyük aysberqi əriməkdən “imtina edir”.

Bir neçə ay əvvələ qədər A23a kimi tanınan 1500 kvadrat millik üzən buz kütləsinin daha isti sulara doğru sürüklənəcəyi və nəticədə əriyəcəyi gözlənilirdi.

“Lakin Nyu Yorkdan üç dəfə böyük olan trilyon tonluq aysberq okean burulğanında ilişib qalıb ki, bu da onu illərlə yerində saxlaya bilər”, – “The Telegraph” yazır.

Bir vaxtlar Sovet tədqiqat stansiyasının yerləşdiyi A23a 1986-cı ildə Antarktika sahillərindən ayrıldı. Demək olar ki, dərhal dənizin dibinə batdı və üç onillikdən çox ilişib qaldı. Yalnız 2020-ci ildə üzə çıxdı.

Keçən ilin sonunda miqrasiya etməyə başladı və bu böyüklükdə bir aysberqin hərəkət etməsinin nadir olduğunu söyləyən elm adamlarını sevindirdi. Güclü küləklərin və cərəyanların təsiri ilə Ueddel dənizindən isti sulara doğru sürüklənərək Cənub okeanına çıxdı.

Aprel ayında onu Cənubi Atlantikaya aparacağı və orada parçalanacağı proqnozlaşdırılan güclü okean axınına düşdü. Amma birdən-birə dayandı.

Nəhəng aysberq hazırda Antarktika tədqiqatçıları üçün bazadan başqa heç bir sakini olmayan Britaniya Antarktika Ərazisinin qısır hissəsi olan Cənubi Orkney adalarının şimalında yavaş-yavaş fırlanır.

Alimlər deyirlər ki, təxminən bir trilyon metrik ton ağırlığında olan A23a illərlə orada ilişib qala bilər.