AzTimes.az xəbər verir ki,29 yanvar 2023-cü il tarixdə gecə saatlarında Binəqədi rayonu Süleyman Sani Axundov küçəsində yerləşən daha bir zoo mağaza və market “Şərur inşaat”a məxsus yarımtikilidə məskunlaşaraq tüfeyli həyat tərzi keçirən azyaşlı dəstə tərəfindən soyulub.

DİN Mətbuat Xidmətinin əməkdaşı Nurlan Əliyev AzTimes.az-ın sorğusuna cavab olaraq bildirilib ki,Binəqədi rayonu Rəsulzadə və Binəqədi qəsəbələri ərazisində iki mağazadan ümumi dəyəri 3500 manat olan geyim və müxtəlif növ quş heyvanlarının qeyri-aşkar şəraitdə oğurlanması barədə polis orqanına məlumat daxil olub. Hazırda araşdırma aparılır.

Nəzərinizə çatdıraq ki, sözügedən azyaşlılar barədə aylar öncə də saytımıza şikayət daxil olmuşdu. Ərazidə yaşayan sakinlər onların axşam saatlarında vətəndaşlara qrup şəklində hücum etdiklərini və bundan narahatlıq duyduqlarını bildirmişdilər.

Pərvin Abışova/Aztimes.az