“Dostlar diqqətli olun. Deməli, 3 gün əvvəl AZZA-dan 13.7 AZN-lik alış veriş etdim, satıcı yanlışlıqla 24.2 AZN çıxdı sonra dərhal pulu kartıma geri qaytarıb 13.7 AZN çıxdı”.
Bu barədə “Mənim Şikayətim Var” sosial qrupundakı paylaşımında Toğrul Əli adlı istifadəçi giley edir.
Daha sonra narazı vətəndaş yazır: “Üzərindən 3 gün keçib və sürpriz… Bu gün kartımdan 24.2 AZN durduq yerə AZZA pul çıxarıb. Unibanka zəng etdim dedilər bizlik deyil. AZZA-ya getdim dedilər araşdırarıq.
Təsəvvür edin, cibimdə pul yox idi… yanacaq doldurma məntəqəsindən benzin vurmaq istədim, gördüm olan-qalan pulumu AZZA çəkib…”

Onu da qeyd edək ki, yorumlarda digər vətəndaşlar da sözügedən ticarət şəbəkəsindən giley ediblər…

İddia olunanlarla bağlı qarşı tərəfi də dinləməyə hazırıq…

DİA.AZ