Ucarda bir ailənin 3 üzvü yol qəzasında xəsarət alıb

Ucarda xəsarətlə nəticələnən yol-nəqliyyat hadisəsi baş verib.

“Aztimes”xəbər verir ki, hadisə şəhərin Azərbaycan küçəsində qeydə alınıb.

1975-ci il təvəllüdlü Namiq Sabir oğlu Əliyevin idarə etdiyi “Nissan” markalı minik maşını Rasif Seyidovun idarə etdiyi “VAZ-2106” markalı avtomobillə toqquşub. Nəticədə sürücü N.Əliyevin anası, 1948-ci il təvəllüdlü Əsmayə İslam qızı Qasımova, qızları – 2008-ci il təvəllüdlü Fəxri və 2012-ci il təvəllüdlü Şəxri Əliyevalar müxtəlif dərəcəli xəsarətlər alıblar. Yaralılar Ucar Mərkəzi Rayon Xəstəxanasına yerləşdiriliblər.

Faktla bağlı araşdırma aparılır.