Harvard Universiteti alimləri 14 müxtəlif araşdırmanın nəticələrini təhlil etdikdən sonra belə nəticəyə gəliblər ki, hər gün müxtəlif yarmalar (yulaf, arpa, düyü və s.) və həmçinin tamdənli çörək yeyən insanlarda ürək-damar sistemi və xərçəng xəstəliklərinin riski xeyli azalır.

Araşdırma 800 minə yaxın insanı əhatə edib.

Yarmalar və tamdənli çörək arterial təzyiqin tənzimlənməsinə və qanda xolesterinin səviyyəsinin aşağı düşməsinə kömək edir. Həmçinin bu məhsullar tez toxluq hissi yaradır və bədən çəkisinin normada saxlanmasına yardım edir.