Siyəzən rayonunun bəzi küçə və prospektlərində yol nişanlarının yenilənməsi, mövcud çatışmazlıqların aradan qaldırılması işləri davam etdirilir.

AzTimes.az xəbər verir ki, Siyəzən Rayon Polis Şöbəsinin Dövlət Yol Polisi Bölməsinin və Siqnal İdarəsinin əməkdaşları tərəfindən mövcud vəziyyətlə bağlı işlər görülür. Məqsəd nəqliyyat vasitələrinin təhlükəsiz və nizamlı hərəkətini təmin etmək, həmçinin yol hərəkəti iştirakçılarını məlumatlandırmaqdır. Daxil olan vətəndaş müraciətləri, eyni zamanda, yol polisi əməkdaşları tərəfindən aparılan təhlillərlə müəyyən edilən ünvanlarda yol nişanları ilə bağlı müvafiq tədbirlər görülüb.