Dünyada övlad sevgisi deyilən bir hiss var ki bunu başqa hisslərlə müqayisə etmək mümkün deyil. Valideyinin övladına olan məhəbbəti hər yaşda sonsuz və əvəzsizdir. Valideyn övladına nəvaziş göstərən,gecələri yuxusuz qalan,bütün çətinliklərə sinə gərən müqəddəs bir varlıqdır. Bu sözləri öz müsahibəsində GDİTK-nin müəllimi İlqar Yusifov bildirib. O, qeyd edib ki, valideyinin borcu Allahın bəxş etdiyi övlad payına şükür etmək ,onu cəmiyyətə saglam və tərbiyəli böyütməkdir.Həyata yeni göz açan övladla bərabər ailənin yeni arzuları, istəkləri də baş qaldırır.Beşikdə ikən onu oxşaya-oxşaya gözəl gələcəyini, xoşbəxt günlərini,təhsilini, toyunu planlaşdırmaga başlayırsan.Oglan atanın qüruruna,qız ananın dayağına çevrilir.Bəzən atalar yeni doğulan övladının qız olduğunu eşidəndə bir məyusluq keçirir.Amma unudurlar ki onu da dünyaya gətirən bir ana var və bu qız usağı bir gün onun işdən gəlməsini səbirsizliklə gözləyən atılaraq boynuna sarılan sevimli övladı olacaq.Qız övladı Allahın bəxş etdiyi ən böyük hədiyyədir. Qız doğulan evə ayaqında ruzi-bərəkət gətirər.Qız olan evdə şeytan olmaz deyərlər.O özünəməxsus şıltaqlığı ilə seçilən, tez-tez küsüb kənara çəkilən, barışması üçün ağılagəlməz istəklər nümayiş etdirən tanrı payıdır.Böyüdükcə saçlarını yığmağa çalışacaq, al-əlvan rənglərə can atacaq, ona alınan kuklalara saatlarla vaxt ayırıb, onu bəzəyib-düzəməyə səy göstərəcək.Ayaqlarının üstünə qoyub lay-lay deyəcək,sonrada da öz yanında yer edərək yuxuya gedəcək.Ona alınan hər şeyi qorumağa başlayacaq, yeni paltarını geyinib güzgünün önünə keçib sanki böyüklər kimi dəfələrlə özünü gözdən keçirdəcəkdir.Şəhərə yollanan ata-anasına sifarişlərin verəcək qapıdan girdiyində: mən deyəni aldınmı deyə sual dolu gözləri ilə cavabını gözləyəcəkdir.Məktəbə yollanarkən öz toppuş əlləri ilə sumkasını yığacaq, atasının əlindən tutaraq sevinə-sevinə yola düzələcəkdir.Yol boyu çoxlu suallar verəcək sonra bunları yadında saxlayacaq evə gəldiyində anasına nəql edəcəkdir.Böyüdükcə anasının köməkçisinə çeviriləcək, ev süpürüb, paltar ütüləyəcək,o gələnə qədər mətbəxə keçib qablarını yuyub səliqə ilə rəflərə düzəcək.İşdən gələn atasının süfrəsin hazırlayıb, qarşısına pürrəngi çayın qoyacaq.Təhsil almağa, sevdiyi sənətlə məşgul olmağa çalışacaq, arzu və istəklərini ailənin imkanları daxilində quracaqdır.İllər keçecək, necə deyərlər qızlar bulaqından su içəcək. Artıq elçi düşəni, ailə qurmaq arzusu ilə qapını döyməyə başlayacaqlar.Bu uzun illər ərzində ona göstərdiyin xüsusi qayğiya sevgiyə görə aday olanları bütün incəlikləri ilə maraqlanmağa başlayacaq ona layiq olub-olmamağını incəliyəcəksən.Anasından qızının bu izdivaca münasibətin öyrənəcəksən.Bu müddətdə səndən qaçacaq ismət edib görünməkdən utanacaqdır. Qayğılar çoxalır, zaman getdikcə azalır, toya hazırlıqlar davam edir.Onun bütün arzularını yerinə yetirmək hər şeyin ürəyincə olmasını istəyirsən.Cehizliklər hazırlanır ana illərdi qoruya-qoruya qızının adına alıb yıgdıqlarını bir-bir üzə çıxardır.Səni təəcüb bürüyür bu qədər əşyaları nə vaxt alıb yığıldığndan xəbərin olmayıb.Və xatırlayırsan səndən hissə-hissə alınan o pulları.O zaman halal olsun sənə qadın nidası keçir qəlbindən.Məhz buda o böyük qadındır, ömrünü ailəsinə, övladlarına həsr edən, səninlə bir yerdə hər çətinliyə sinə gərən müqəddəs varlıq.Böyüdüb başa çatdırdığın övladına halallıq verib onun xoşbəxt olmasını uca yaradandan diləyirsən.Təsəvvür olunmaz bir sevinc keçirdirsən.Bu gün onunda öz ailəsi, öz yuvası olacaq.Amma gedəcəyini düşündükcə həycanlanırsan, illərdi böyütdüyün ciyərparandan ayrı qalmaq hissi sənə çətin gəlir.Qız atası deyib sənə xitab edəndə deyəcəyin hər şeyi unudursan, bogazın qəhərlənir,səsin titrəyir, gözlərin dolub. Onun gəlinlik paltarında oturmasının sevinci ilə bərabər fərəh hissi keçirdirsən.Şükür edirsən ki bu gözəl günü görmək sənə nəsib oldu.Xeyir-dua verib gözlərindən süzülən yaşı sildikcə haqqım halal olsun əziz balam deyərək onu bağrına basıb duyğulanırsan.Bu gün sənin qızın sabah bir evdə gəlin olacaq.Verdiyin tərbiyənin göstərdiyin diqqətin cavabını o zaman almağa başlayacaqsan.Halal olsun sənə tərbiyə verən ailəyə sözünü eşitdiyində çəkdiyin zəhmətin hədər getmədiyinə görə xoş olacaqsan.Bax o zaman sən valideyinlik vəzifəsini yerinə yetirmiş olursan. P.S.Bu yazını yeni ailə quran övladımla bərabər evində qız uşağı böyüdən bütün ailələrə həsr edirəm.Onlar bu günün qızı sabahın gəlini və anasıdır.Övladlarınıza sevginizi verin onların gözəl gələcəyi və xoşbəxtliyi üçün düzgün tərbiyə edin.

AzTimes.az