Daxili İşlər Nazirliyində(DİN) növbəti kadr dəyişikliyi baş tutub.

Aztimes.az-ın əldə etdiyi məlumata görə, Daxili İşlər naziri general-polkovnik Vilayət Eyvazovun əmri ilə polis polkovnik-leytenantı Rafiq məmmədov Qaradağ Rayon Dövlət Yol Polisi şöbəsinin rəisi vəzifəsinə təyin edilib.

Xatırladaq ki, Qaradağ Rayon Dövlət Yol Polisi şöbəsinin rəisi, polis mayoru Vüqar Orucov bir neçə gün bundan əvvəl vəzifəsindən azad olunaraq Tovuz rayon 10 saylı Regional İmtahan-Qeydiyyat və Texniki Baxış Şöbəsinin (“MERO”) rəisi təyin edilib.

Qeyd edək ki, Qaradağ Rayon Dövlət Yol Polisi şöbəsinin rəisi vəzifəsinə təyin Rafiq Məmmədov uzun illərdir polis orqanlarında çalışır, o son vaxtlar Gəncə Şəhər Dövlət Yol Polisi İdarəsinin rəisi, Suraxanı və Xəzər Rayon Dövlət Yol Polisi şöbəsinin rəisi vəzifələrində çalışıb.