Göyçaylılar açılan bayram satış yarmarkasında ərzaq və kənd təsərrüfatı məhsulları sakinlərə bazardakı qiymətdən 20-30 faiz ucuz satılır.

Göyçay şəhər Sabir parkında təşkil olunan yarmarkada fermerlər və rayondakı istehsal müəssisələri tərəfindən alıcılara müxtəlif çeşiddə məhsullar təqdim olunur.

Bayram ərəfəsində təşkil olunan yarmarkaların məqsədi əhalinin ərzaq və kənd təsərrüfatı mallarına artan tələbatının daha dolğun ödənilməsi, istehlakçıların seçim imkanlarının artırılması, eləcə də süni qiymət artımının qarşısının alınmasıdır. Bayram yarmarkası ilə tanış olan Rayon İcra Hakimiyyətinin Başçısı Mehdi Səlimzadə yarmarkada iştirak edən sahibkarlara öz tövsiyyə və tapşırıqlarını vermişdir.

Pandemiya şərtlərinə uyğun təşkil olunan yarmarkada istehsal etdikləri məhsulları sərfəli qiymətə satan fermerlər, eləcə də alıcılar razılıqlarını bildiriblər.

AzTimes.az xəbər verir ki, 31 Dekabr – Dünya Azərbaycanlılarının Həmrəyliyi Günü və Yeni il münasibətilə təşkil olunan bayram yarmarksı 2 yanvar 2021 ci il tarixindək davam edəcək.