Dekabrın 22-də Milli Məclisin təşəbbüsü ilə Medianın İnkişafı Agentliyində (MEDİA) “Media haqqında” qanun layihəsinin müzakirəsi keçirilib. Müzakirədə jurnalistlər, media ekspertləri, MEDİA, Milli Televiziya və Radio Şurasının rəhbərləri, parlament komitələrinin rəhbərləri Əli Hüseynli, Zahid Oruc və digərləri olmaqla 20-ə yaxın adam iştirak edib.

Ötən gün isə hüquqşünas Ələsgər Məmmədli qanun layihəsinin hüquqi aspektləri üzrə məsləhətləşmələrin davam etdirilməsi üçün parlamentə dəvət edilmişdi.

Bu müzakirələrdən sonra ictimaiyyətdə belə fikirlər var ki, qanun layihəsi ilə bağlı qanun layihəsinin təşəbbüsçüləri və layihəyə etiraz edənlər arasında bir konsensus var.

Həqiqətənmi, qanun layihəsi ilə bağlı konsensus var?

Dekabrın 22-də müzakirələrdə və bir gün sonra isə parlamentdə məsləhətləşmələrdə iştirak etmiş media məsələləri üzrə ekspert, hüquqşünas Ələsgər Məmmədli Kamran Mahmudovun təqdimatında yayımlanan “Çətin sual” verilişində məsələyə aydınlıq gətirir.