DİN-in Mətbuat Xidmətinin Gəncə şəhərindəki regional
qrupunun baş inspektoru, polis baş
 leytenantı Eşqin Qasımov:
 
Daxili işlər orqanlarının əməkdaşları  işğaldan azad edilmiş, lakin minalardan və digər partlayıcı maddələrdən tam təmizlənməmiş ərazilərə müvafiq icazə olmadan, nəzarət postlarından kənar yollarla keçməyə cəhd göstərən şəxslərin qarşısının alınması istiqamətində tədbirləri davam etdirir.
Sentyabrın 17-də Göygöl Rayon Polis Şöbəsinin əməkdaşları işğaldan azad edilmiş Kəlbəcər rayonuna müvafiq icazə olmadan getmək istəyən rayonun Toğanalı kənd sakini Zaman Verdiyevi  saxlayıblar. O polis şöbəsinə dəvət olunub, profilaktiki söhbətlər aparılaraq mina və partlayıcı vasitələrin onun həyatı üçün təhlükə doğura biləcəyi barədə xəbərdarlıq edilib.
Məhkəmənin qərarı ilə Z. Verdiyev barəsində inzibati tənbeh tədbiri görülüb.

AzTimes.az