Ötən gün teleməkanın ən reytinqli proqramlarından olan “Səni axtarıram” verilişi sezon finalına çıxıb.

AzTimes.az xəbər verir ki, verilişin aparıcısı və layihə rəhbəri Xoşqədəm Hidayətqızı il ərzində görülən işlərdən bəhs edib. O veriliş boyu proqramda həyata keçirilən xeyriyə tədbirləri, ağır əməliyyatlar, sosial aksiyalardan bəhs edib. Məlum olub ki, proqram təkcə bu sezon ağır əməliyyatlarla bağlı verilişə müraciət edən şəxslər üçün 1 milyon manatdan çox pul toplaya bilib.

Teleaparıcı daha sonra qeyd edib ki, “Səni axtarıram” yeni sezondan yeniliklərlə tamaşaçıların görüşünə gələcək./amea.az